Kosovë dhe Shqipëri është plot me dashuri, së paku kështu na bëjnë të mendojmë çiftet që janë nga të dy shtetet.
Marina Vjollca dhe Getoar Selimi
![]()
Getoari sapo ka marrë nënshtetësinë shqiptare, por 17 shkurtin ata po e kalojnë në Prishtinë, në shoqërinë e motrës së vogël të Marinës, Luanës. Marrëdhënia e tyre ka qenë në qendër të vëmendjes, derisa u bë e qartë se ata nuk kanë asgjë për të fshehur.
Vesa Luma dhe Big Basta
![]()
Ata janë në pritje të fëmijës së tyre të parë: do të jetë djalë! Vesa dhe Big-u janë njohur në Dancing With the Stars 2011 e që atëherë, marrëdhënia e tyre sa erdhi e u forcua. Do të ishte Vesa ajo që do të shpërngulej në Tiranë, ku feston përvjetorin e 8ë të pavarësisë me bashkëshortin e saj, Gerald Xharin.
Inva Mula dhe Hetem Ramadani
![]()
Sopranoja e njohur shqiptare dhe biznesmeni kosovar u njohën në 2008-ën, e 4 vite më vonë u bënë prindër të një vajze, Ninës. Ata jetojnë në lëvizje për shkak të angazhimeve të dyanshme; ai si një sipërmarrës me aktivitet në Slloveni e ajo, si një soprano e bazuar në Francë.
Vedat Ademi dhe Dorela
![]()
Vedati dhe Dorela janë njohur që në vitin 2003, për t’u lidhur në martesë në 2008-ën. Ademi jeton prej kohësh në Tiranë, ku ka zhvilluar më së shumti karrierën muzikore. Ai është tërhequr gjatë viteve të fundit, ndërsa me Dorelën kujdesen për djalin e tyre 4-vjeçar, Jonartin.
Fatma Haxhialiu dhe Përparim Kadriaj
![]()
‘Pepi’ siç e quajnë njerëzit e afërt, i propozoi Fatmës në një revistë shqiptare! Çifti që ka më shumë se një dekadë dashuri, janë bërë prindër të një djali tashmë 1 vjeç e gjysëm, Kian.
Ledina Çelo dhe Naim Kabashi
![]()
Naim Kabashi, ish-kampion kick box-i dhe Ledina Çelo janë njohur rreth 15 vjet më parë. Ata jetojnë në Gjermani, së bashku me 2 fëmijët e tyre të vegjël, Elisin dhe Perianën.
Rudina Magjistari dhe Xhavit Bajrami
![]()
Prindërit e Mias së vogël janë njohur përmes Facebook-ut, e moderatorja e ‘Takimit të Pasdites’ thotë se u bë shumë kurreshtare për këtë ‘shqiptar që korrte sukses në arenat ndërkombëtare. Bajrami, ish-kampion kick box-i është shpërngulur tani në Tiranë, ku shijojnë një periudhë pushimi së bashku me Mian.
Festa e 18-vjetorit të Top Albania Radios ka rezervuar surpriza të këndshme për të pranishmit. Edhe pse kanë kaluar dy ditë nga mbledhja e stafit të Top Medias në Folie Tarrace, tashmë kanë dalë në dritë detaje të reja. Veç asaj që u komentua si pajtimi i Ledionit me Arbanën dhe Xhemin, atë mbrëmje thuhet se i fejuari i trashëgimtares, Sara Hoxha, ka djegur shaminë e beqarit.
