E pranishme gjithandej në rrjetet sociale, Lori Hoxha, fotot me partnerin e saj Visin i ka të pakta, ndaj edhe shfaqet e rezervuar sa u përket daljeve publike me të.
Por pavarësisht kësaj, ajo dhe Visi prej vitesh tashmë e kanë konsoliduar lidhjen e tyre. Në profilet e saj në rrjetet sociale, Lori zakonisht përballet me pyetje nga jeta private, një pjesë të mirë të të cilave u kthen përgjigje hapur dhe pa drojë rreth lidhjes me djalin, emri i të cilit është Vis Bajraktari.
Në profilin e saj në Tumblr, një prej ndjekësve e ka pyetur se cila është lidhja më e gjatë që ka pasur dhe fashion blogger-ja i përgjigjet: “Lidhja që kam tani, 4 vjet e gjysmë”.
Më tej, ajo tregon se nuk është penduar për asgjë në jetë, pavarësisht gjithçkaje që i ka ndodhur.
Pyetjes nëse ka diçka për të cilën është penduar, Lori i përgjigjet: “Ka shumë, por s’më pëlqen të pendohem për asgjë. Çdo gjë që ka ndodhur më ka bërë kjo që jam sot. Më shumë do doja të ktheja kohën pas që t’i përjetoja edhe një herë disa momente”,- shkruan Lori në Tumblr.
