Rreth dy muaj më parë, Rovena Dilo mbushi faqet e shtypit rozë me zhvillime në jetën e saj private.
Bashkëshorti i saj i dikurshëm, Florian Riza bëri një shkresë në të cilën kërkonte divorcin nga këngëtarja pas një martese gjashtë vjeçare me arsyetimin se me kalimin e kohës martesa ishte mbetur vetëm formale.
Megjithatë, duket se eksperienca në spektaklin e kërcimit ”Dancing with the Stars” ka reflektuar edhe në faktin që Rovena të mos ndjejë boshllëk në zemrën e saj për një kohë të gjatë.
Suplementet rozë në Shqipëri shkruajnë sot se Eltion Merja, partneri në garën e kërcimit është edhe personi i zemrës jashtë spektaklit.
Nuk dihet vërtetësia e këtij lajmi pasi Rovena nuk ka dhënë asnjë sinjal, përjashto një foto të përbashkët të postuar në Instagram, ku si një kartolinë feste, dyshja urojnë Krishtlindjet./Telegrafi/
